Ҳазрат Саййиди олам соллаллоҳу алайҳи васаллам Мадинаи мунаввараға яхши қарор тобғонларидин кейин, жаноб Зайд ибн Ҳориса ва жаноб Абу Рофиъни Маккаи мукаррамаға анда қолғон аҳли байт ҳазаротларин олуб келмак учун юбордилар. Бу икки зотға йўлда раҳнамолик қилмак учун Абдуллоҳ ибн Урайқитни қўшуб бердилар.
Булар Маккаға боруб қизлари ҳазрат Фотима, ҳазрат Умму Кулсум, хотунлари ҳазрат Савда, ҳазрат Зайднинг хотунлари Умму Айман ва ўғуллари Усомани олуб келдилар. Зайнаб ном қизларини эрлари жавоб бермади. Бу жамоа ила баробарликда ҳазрат Абу Бакр розияллоҳу анҳунинг ўғуллари Абдуллоҳ, хотунлари Умму Румон, қизлари ҳазарот Оиша ва Асмо ҳам келдилар.
Ҳазрат Асмо ҳазрат Зубайрнинг хотунлари бўлуб, ҳомиладор эрдилар. Мадинаға келуб туғдилар. Фарзандларин номларин Абдуллоҳ қўюлди. Бу жаноб Мадинада туғулғон муҳожир болаларнинг аввалларидурлар.
