Робиъул-аввал ойининг 16-куни
- Ҳижрий 513-йил 16-робиъул-аввал куни (милодий 1119-йил 27-июн) Шом давлатида Элғозий қўмондонлигидаги мусулмонлар билан Антокия амири Рожер қўмондонлигидаги салбчилар ўртасида катта жанг бўлиб ўтди. Бу жангда мусулмонларнинг қўли баланд келди. Салбчилардан катта ададдаги қўшин ҳалок бўлди. Улар орасида Рожер ҳам қатл қилинди. Жангда қурбонлар кўп бўлгани сабаб, бу жанг “Қирғин жанги” деб тарих китобларида ном олди.
- Ҳижрий 1245-йил 16-робиъул-аввал куни (милодий 1829-йил 15-сентябр) Усмонлилар давлати бир йилу тўрт ой лавом этган урушдан сўнг Россия билан шартнома имзолади. Шартнома 18 банддан иборат бўлиб, унда Россияга жарима тўлаш ва Қора денгиз ҳукмронлигини тўлиқ Россияга топшириш кўрсатилган.
Ҳижрий 1392-йил 25-зулқаъда куни
Буюк муҳаққиқ олимлардан бири Муҳаммад Муҳйиддин Абдулҳамид вафо этди. У зот Мисрдан таваллуд топиб, Азҳар шарифда таҳсил олди. Кўп йиллар мударрислик қилди. Унинг наҳв китобларига ёзган таҳқиқлари толиби илмлар ичида кенг оммалашди.
Ҳижрий 1270-йил 25-зулқаъда куни
Ҳижрий 13 асрнинг буюк имомларидан бири саналган Абу Сано Шиҳобиддин Маҳмуд Алусий вафот этди. У зот Бағдодда таваллуд топиб, ўша ерда таҳсил олди ва кўп йиллар давоми турли минтақа ва шаҳарлардан келган талабаларга дарс бериш билан шуғалланди. У зот ўзидан мусулмон умматига жуда катта илмий мерос қолдирган. Жумладан, тафсир илмида ёзилган «Руҳул маъоний» у зотнинг энг машҳурларидан бири ҳисобланади.
