Ислом уламолари халқаро уюшмасинининг Расулуллоҳ соллаллоҳу алайҳи васаллам ҳақларидаги салбий филмни қораловчи баёноти

1 ўн йил аввал 2207 siyrat.uz

Доктор Юсуф Қаразовий бошчилик қилаётган Ислом уламолари халқаро уюшмаси Ислом дини ва Пайғамбаридан нафратланувчилар тарафидан ишлаб чиқарилган Расулуллоҳ соллаллоҳу алайҳи васаллам ҳақларидаги салбий филмни қоралади. Шунингдек, бу баёнотда бу каби салбий фикрлар Расулуллоҳ соллаллоҳу алайҳи васаллам шаънларининг юксаклигини ва ҳеч қандай зарар етказмаслигини таъкидлади. Чунки Аллоҳ таоло у Зотнинг юксак хулқ эгаси, бутун оламларга раҳмат ва порлоқ нур эканликларига гувоҳлик берган. Қолаверса, америкалик муаллифлар тўплаган инсоният тарихидаги энг машҳур 100 шахс жадвалида Расулуллоҳ соллаллоҳу алайҳи васаллам биринчи бўлиб турибдилар. Бу каби ҳаракатлар бутун ер юзига тарқалаётган у Зотнинг даъватларига ҳеч қандай таъсир қилмайди ва равшан нурларига тўсиқ бўла олмайди.

Шунингдек, Ислом уламолари халқаро уюшмаси Расулуллоҳ соллаллоҳу алайҳи васаллам ҳақларидаги бу салбий филмда чет давлатларга кўчиб кетган христиан арабларнинг иштирок этишини халқлар ўртасида нафрат ва таассубликни қўзғатувчи ва бутун оламдаги мусулмонлар ҳис- туйғуларига беписандлик, деб билади.

Ислом уламолари халқаро уюшмаси АҚШ ва бутун жаҳон мусулмонлари ташкилотларини ушбу филмга алоқаси бўлган ҳар бир шахсни қонуний жавобгарликка тортиш учун уларга қарши тегишли ташкилотларга даъво аризаларини топширишга чақиради. Бу қилинган қабиҳ ишни сўз эркинлиги, деб бўлмайди, чунки бу Ислом сиймоларини қоралаш орқали мусулмонлар ҳуқуқларини поймол қилишдир.

Уюшма халқаро Ислом ташкилотлари, араб ва Ислом давлатлари ҳукуматларини бу каби чақириқларнинг олдини олиш учун ижобий ҳаракатларни амалга оширишга чақиради ва Халқаро Ислом ҳамкорлиги ташкилотидан бутун оламларга раҳмат Пайғамбар ҳақларида салбий фикрда бўлиб, бутун инсониятга зарар етказаётганларга қарши даъво аризаларни ўз тасарруфига олишини талаб қилади.

Уюшма бутун дунё мусулмонларини бундай ҳолатларга дуч келганда исломий ахлоқларга риоя қилишга чақиради. Чунки Аллоҳ таоло: «Ҳеч бир кўтаргувчи (гуноҳкор жон) ўзга (жон)нинг юкини (гуноҳини) кўтармас», деган.

Шунинг учун бу филмга алоқаси бўлмаган ғайридинлар билан ёмон муомалада бўлиш ва уларни таъқиб қилиш тўғри келмайди.

Шунингдек, Расулуллоҳ соллаллоҳу алайҳи васалламни муҳокама қилиш, деб номланган бу кунни «Расулуллоҳ соллаллоҳу алайҳи васалламни таништириш куни»га айлантиришга чақиради.

Манба: http://arabnet5.com Муҳаммадали таржимаси

 



Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ