Пайғамбаримиз соллаллоҳу алайҳи васаллам Ҳиро ғорида бажарган «муроқаба» ва «таҳаннус» ибодатлари

     Савол: Исломдан олдин Муҳаммад соллаллоҳу алайҳи васаллам Ҳиро ғорида қилган «таҳаннус» қандай ибодат бўлган?     Жавоб: Расулуллоҳ соллаллоҳу алайҳи васалламга пайғамбарлик вазифаси юкланишидан уч йил олдин Аллоҳнинг илҳоми ва ҳикматли тадбири ила Пайғамбаримизда узлатда ёлғиз қолиш истаги пайдо бўлди. Ҳар йили Рамазон ойида у Зот ҳаётнинг икир-чикирларидан, одамларнинг майда-чуйда ташвишларидан узилиб, Ҳиро ғорига борар, тўлиқ бир ой «муроқаба» ва «таҳаннус» ибодатлари билан машғул бўлар ҳамда йўловчи мискинларга таом берар эдилар. «Муроқаба» (المراقبة) – Холиқ (Яратувчи Зот) ва махлуқот ҳақида тафаккур қилиш. «Таҳаннус» (التحنث) – гуноҳлардан сақланиш ва руҳий покланиш.