Боболари Абдулмутталиб хатна қилган
Боболари Абдулмутталиб хатна қилган (араблар урф-одатига кўра, етти кунлигида).[1]
Абдулмутталиб ўғли Абдуллоҳдан ёдгор қолган набирасини Каъбага олиб бориб, дуо қилади ва қайтгач, унга Муҳаммад деб исм қўяди, сўнг еттинчи куни хатна қилади ва қўй сўйиб, зиёфат беради.[2]
Баъзилар Пайғамбаримизни хатна қилинган ҳолда туғилганлар, деб айтишган. Аммо имом Заҳабий: «Расулуллоҳ соллаллоҳу алайҳи васаллам етти кунлик бўлганларида боболари Абдулмутталиб хатна қилган», деган ривоятни «Хатна қилинган ҳолда туғилган», деган ривоятдан кучлироқ», деб айтган.[3]
Умуман олганда, бу баҳс этадиган мавзу эмас. Қолаверса, кўплар ўйлаганидек, хатна қилинган ҳолда туғилиш фазилат эмас!
[1] «Ар-раҳийқул махтум»; Шайх Муҳаммад Шаъровий, «Ас-сийратун набавия», 24-бет; Жалолиддин Суютий,«Танвирул ҳаволик».
[2] Ибн Абдул Барр, «Ал-истийъоб биҳошиятил исоба», 1-китоб; Шомий, «Субулул ҳудо вар рашод», 1-китоб.
[3] Шайх Муҳаммад Шаъровий, «Ас-сийратун набавия», 24-бет; Ибн Қаййим ал-Жавзия,«Зодул маъод», 1-китоб.
