Роберт Киёсаки Пайғамбаримизни «Буюк коммивояжёр бўлган», деди

3 йил аввал 2721 siyrat.uz

Роберт Киёсаки ҳозирги дунёнинг энг йирик сармоядорларидан ва етакчи тадбиркорларидан бўлиб, АҚШдаги капитализм раҳнамосидир. У бутун дунёга машҳур «Бой ота, камбағал ота»
 номли бестселлер (бозори чаққон) китобнинг муаллифи ҳамдир.

Ўзи асли япон миллатига мансуб бўлса-да, Америкада яшайди. У даҳрий (худосиз) бўлиб, китобларида бирор динни тарғиб қилмайди.

У «Бизнес мактаби» (Rich Dad’s the businessschool) номли китобининг 145-бетида «Бой ота», деб аталадиган бизнес устозининг: «Муҳаммад Пайғамбар буюк мураббийдир», деб айтганини ёзади ва китобининг давомида: «Муҳаммад буюк коммивояжёр бўлган», дейди.

«Коммивояжёр» иқтисодий атама бўлиб, қисқа қилиб айтганда, воситачилик қилувчи вакилдир.

Ҳа, Пайғамбаримиз Муҳаммад соллаллоҳу алайҳи васаллам Пайғамбар бўлишларидан олдин савдо билан шуғулланганлар. Пайғамбар бўлганларидан кейин бошқа масалалар қатори тижоратнинг шаръий ҳукмларини батафсил баён қилиш билан бир қаторда, ҳаётга татбиқ қилиб бериб ҳам кетганлар.

Капиталист ва даҳрий Роберт Киёсаки Пайғамбаримиз Муҳаммад соллаллоҳу алайҳи васалламда бутун инсоният учун гўзал намуна борлигини ўзининг тушунчаси билан бўлса-да, тан олишга мажбур бўлган.

«Албатта сизлар учун, Аллоҳ ва охират кунидан умидвор бўладиган ҳамда Аллоҳни кўп зикр (ёд) қилган кишилар учун Расулуллоҳда гўзал намуна (ўрнак) бордир» (Аҳзоб сураси, 21-оят).

М.Хотамий




Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ