Ҳусайн ибн Али розияллоҳу анҳу билан Валид ўртасидаги низо ва Валидга «Ҳилф ал-Фудул» билан таҳдид қилингани

1 ўн йил аввал 2054 siyrat.uz

Ибн Исҳоқ: менга Язид ибн Абдуллоҳ ибн Усома ибн ал-Ҳодий

ал-Лайсийнинг айтишича, унга Муҳаммад ибн Иброҳим ибн

ал-Ҳорис ат-Таймий шундай деган экан: бир куни Ҳусайн ибн Али розияллоҳу анҳу ва Валид ибн Утба ибн Абу Суфён ўртасида Зу-л-Марва деган жойда қўлга киритилган ўлжа туфайли низо чиқди. Валид ўша вақтда Муовиянинг Мадина шаҳридаги амири эди. Шунда Валид амирли­гидан фойдаланиб Ҳусайнга тегишли ҳақни олиб қўймоқчи бўлди. Ҳусайн эса: «Аллоҳ номи билан қасам ичиб айтаманки, ё ҳаққимни берасан ё қиличимни олиб, Расулуллоҳ соллаллоҳу алайҳи васалламнинг масжидларига бориб, Ҳилф ал-Фудул аҳлини чақираман», – деди. Шу пайт Валиднинг олдида ўтирган Абдуллоҳ ибн аз-Зубайр: «Қасамки, агар Ҳусайн шундай қилса, мен ҳам қиличимни қўлга оламан. Сўнг унинг ҳаққи ундирилмагунича ёнида тураман ёки ҳар иккимиз ҳам бирга ўламиз», – деди. Бу гап Мисвар ибн Махрамага етиб борганда, у ҳам шундай қасам ичди. Бу воқеа Абдураҳмон ибн Усмон ибн Убайдуллоҳ ат-Таймийга етиб борганида, у ҳам шундай қасам ичди. Бу хабарни эшитган Валид ибн Утба Ҳусайн розияллоҳу анҳуга ҳаққини беришга мажбур бўлди.

Ибн Исҳоқ: менга Язид ибн Абдуллоҳ ибн Усома ибн ал-Ҳодий ал-Лайсий Муҳаммад ибн Иброҳим ибн ал-Ҳорис ат-Таймийдан нақл қилиб деди: Муҳаммад ибн Жубайр ибн Мутъим ибн Адий ибн Навфал ибн Абдуманоф, Абдулмалик ибн Марвон ибн ал-Ҳакам Абдул-лоҳ ибн аз-Зубайрни ўлдирганидан сўнг унинг олдига келган. Муҳаммад ибн Жубайр Қурайш ичидаги энг олим киши эди. Абдул­маликнинг олдига кўп одам тўпланган вақтда Жубайр унинг олдига кириб: «Эй Абу Саид, биз билан сиз, яъни Бани Абдушамс ва Бани Навфаллар Ҳилф ал-Фудулда йўқмидик?» – деди. У: «Сен яхшироқ биласан», – деб жавоб берди. Жубайр шунда: «Менга сен айт, эй Абу Саид!» – деди. Шунда у: «Қасамки, йўқ. Биз билан сизлар бу иттифоқдан чиқиб кетган эдик», – деди. Жубайр эса: «Тўғри айт­динг», – деди.

 



Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ