Расулуллоҳ соллаллоҳу алайҳи васалламнинг таваллудлари ва эмизилишлари

Ибн Исҳоқнинг Пайғамбар алайҳиссалом таваллудлари тўғрисидаги фикри: Ибн Исҳоқ: Расулуллоҳ соллаллоҳу алайҳи васаллам фил йили рабиъул-аввал ойининг ўн иккинчиси, душанба кунида дунёга келдилар. Қайс ибн Махраманинг Пайғамбар соллаллоҳу алайҳи васаллам таваллудлари ҳақида қилган ривояти: Ибн Исҳоқ: менга Мутталиб ибн Абдуллоҳ ибн Қайс ибн Махрама отасидан, сўнг бобоси Қайс ибн Махрамадан ривоят қилиб деди: «Мен ва Расулуллоҳ соллаллоҳу алайҳи васаллам фил йилида туғилганмиз, яъни биз тенгқурлармиз.