«Устозим вафот этиб, дафн этилгач, мен Аммуриядаги роҳиб

олдига бордим ва бўлиб ўтган гапларни айтдим. У ҳам мени қабул этди. У ҳам шериклари каби яхши ва ҳидоятдаги одам эди. Мен унинг олдида касбу кор қилиб, бир қанча мол-қўйларга эга бўлдим. Унга ҳам ажал келиб қолди, мен ундан кейин кимга боришим ва нима қилишим кераклиги ҳақида сўрадим. У: «Ўғлим, Аллоҳга қасамки, мен сенга маслаҳат беришим мумкин бўлган ўзимизга ўхшаган бирор кимсани билмайман, аммо яқинда чиқажак Пайғамбарнинг вақти ке­либ қолди. У Иброҳим алайҳиссаломнинг дини билан юборилиб, Арабистон ерларидан чиқади. Унинг ҳижратгоҳи икки қора тоғ оралиғидаги хур­мозор жой бўлади. Унинг ўзига хос белгилари бўлиб, ҳадя қилинган нарсани ейди, аммо садақани емайди; унинг икки кураги орасида пайғамбарлик муҳри бўлади. Агар қодир бўлсанг, шу шаҳарга бориб, унга эргаш», – деди».