Ибн Исҳоқ: менга Абдулмалик ибн Убайдуллоҳ ибн Абу Суфён ибн Ал-ало ибн Жория ас-Сақафий (у ҳадис илмида кучли ҳофиза эгаси эди), илм аҳлидан ҳадис айтиб, деди: «Аллоҳ Расулуллоҳ соллаллоҳу алайҳи васалламни пайғамбарлик билан икром қилишни хоҳлаган пайтида, у Зот бирор юмуш билан шаҳар ташқарисига чиқиб, Макка тоғлари орасидаги қайси бир тош ёки дарахт олдидан ўтмасинлар: «Ассалому алайка, ё Расулаллоҳ», – деб салом берар эди. Пайғамбар алайҳиссалом ўнгу сўллари ва орқа томонларига қарар, аммо тошу дарахтдан ўзга нар­сани кўрмасдилар. Расулуллоҳ соллаллоҳу алайҳи васаллам шу тарзда ғайритабиий нарса­ларни кўра бошладилар.