Робиъул-аввал ойининг 2-куни
Ҳижрий 897-йил 2-робиъул-аввал куни (милодий 1492-йил 2-январ) мусулмонларнинг охирги қалъаси бўлган Гранада (Ғарната) насронийлар қўлида яксон қилинди.Ҳижрий 1367-йил 2- робиъул-аввал куни (милодий 1948-йил 18-январ) Муҳаммад Маъмун Шановий Азҳар университети шайхи деб сайланди. У киши Азҳар университети шайхлари силсиласининг 32-вакили ҳисобланади.
Ибн Исҳоқ: менга Бани Тамимнинг мавлоси Утба ибн Муслим Нофеъ ибн Жубайр ибн Мутъимдан сўзлаб берди (Нофеъ ибн Аббосдан кўп ҳадис ривоят қилган кишидир): «Расулуллоҳ соллаллоҳу алайҳи васалламга намоз фарз қилинганидан сўнг Жаброил алайҳиссалом келиб, пешин намозини қуёш қиёмдан бироз оғганидан кейин, асрни нарсаларнинг сояси ўзига бир баробар бўлганида, шомни қуёш ботган вақтда, хуфтонни шафақ ғойиб бўлганидан кейин, бомдод намозини эса субҳ кирган вақтда ўқиб берди. Эртасига яна келиб, пешинни нарсалар сояси ўзига бир баробар бўлганида, асрни нарсалар сояси икки баробарга етганида, шомни кечагидек қуёш ботган вақтда ва хуфтонни кечанинг аввалги учдан бири ўтганидан сўнг, бомдод намозини эса тонг ёришган
вақтда, қуёш чиқмай туриб ўқиб берди. шундан кейин: «Эй Муҳаммад, кеча ва бугунги вақтлар ораси сиз учун намоз вақтларидир», – деди
