Робиъул-аввал ойининг 2-куни
Ҳижрий 897-йил 2-робиъул-аввал куни (милодий 1492-йил 2-январ) мусулмонларнинг охирги қалъаси бўлган Гранада (Ғарната) насронийлар қўлида яксон қилинди.Ҳижрий 1367-йил 2- робиъул-аввал куни (милодий 1948-йил 18-январ) Муҳаммад Маъмун Шановий Азҳар университети шайхи деб сайланди. У киши Азҳар университети шайхлари силсиласининг 32-вакили ҳисобланади.
Ибн Ҳишом: Зайд – Ҳориса ибн Шураҳбил ибн Каъб ибн Абдулуззо ибн Имрулқайс ибн Омир ибн Нўъмон ибн Абдувудд ибн Авф ибн Кинона ибн Бакр ибн Авф ибн Узра ибн Зайдул-лот ибн Руфайда ибн Савр ибн Калб ибн Вабранинг ўғлидир. Ҳаким ибн Ҳизом ибн Хувайлид шомдан келтирган қуллар орасида ходимлик ёшига етган Зайд ибн Ҳориса ҳам бор эди. Шунда Ҳакимнинг аммаси Хадижа бинт Хувайлид унинг олдига кирди. Бу вақтда у Расулуллоҳ соллаллоҳу алайҳи васалламнинг аёллари эди. У: «Эй амма, мана бу қуллардан қайси бирини истасангиз, танланг, ўша сизга», – деди. Хадижа Зайдни танлаб олди. Расулуллоҳ соллаллоҳу алайҳи васаллам уни кўриб, аёлларидан ўзларига ҳадя қилишини сўрадилар. Хадижа ҳадя қилди. Расулуллоҳ соллаллоҳу алайҳи васаллам уни озод этиб, ўзларига ўғил қилиб олдилар. Бу воқеа ваҳий тушишидан олдин бўлган эди.
