Робиъул-аввал ойининг 2-куни
Ҳижрий 897-йил 2-робиъул-аввал куни (милодий 1492-йил 2-январ) мусулмонларнинг охирги қалъаси бўлган Гранада (Ғарната) насронийлар қўлида яксон қилинди.Ҳижрий 1367-йил 2- робиъул-аввал куни (милодий 1948-йил 18-январ) Муҳаммад Маъмун Шановий Азҳар университети шайхи деб сайланди. У киши Азҳар университети шайхлари силсиласининг 32-вакили ҳисобланади.
Ахнас Абу Суфённинг олдидан чиқиб, Абу Жаҳлнинг олдига борди, уйига кириб: «Эй Абул-Ҳакам! Муҳаммаддан эшитган нарсанг ҳақида фикринг қандай?» – деб сўради. Абу Жаҳл: «Нимаям эшитардим? Биз Бани Абдуманоф билан обрў талашишда рақобатчи эдик: улар таом беришарди, биз ҳам таом берардик; улар ёрдам беришарди, биз ҳам ёрдам берардик; улар беришарди, биз ҳам берардик. Биз мутлақо бир хил эдик. Гўё икки чопқир от каби бир-биримиздан ўзиб кетмасдик, баравар эдик. Улар: «Бизда Пайғамбар бор, унга осмондан ваҳий келади», – дейишди. Биз унга ўхшаганига қачон эришамиз?! Аллоҳга қасамки, унга ҳеч қачон иймон келтирмаймиз ва тасдиқламаймиз ҳам», – деди. Ахнас туриб, унинг олдидан чиқиб кетди.
