Ибн Ҳишом: Шаммоснинг исми Усмондир. Унинг Шаммос146 деб аталишининг сабаби, мазкур сўз «шамосат», яъни «чароғонлик, порлоқлик» сўзидан олинган. У жоҳилият даврида Маккага келганида, чиройли киши эди. Одамлар унинг чиройидан ҳайратда қолишганди. шунда Утба ибн Рабиъа (у Шаммоснинг тоғаси эди): «Мен сизларга бундан ҳам чиройлироқ шаммосни олиб келаман», – деди ва синглисининг ўғли Усмон ибн Усмонни олиб келди. Ўшандан сўнг у «Шаммос» деб атала бошлади. Буни ибн Шиҳоб ва бошқалар сўзлаб берганлар.
Ибн Исҳоқ: Ҳаббор ибн Суфён ибн Абдуласад ибн Ҳилол ибн Абдуллоҳ ибн Умар ибн Махзум ва унинг укаси Абдуллоҳ ибн Суфён, Ҳишом ибн абу Хузайфа ибн ал-Муғира ибн Абдуллоҳ ибн Умар ибн Махзум, Салама ибн Ҳишом ибн ал-Муғира ибн Абдуллоҳ ибн Умар ибн Махзум, Айёш ибн Абу Рабиъа ибн ал-Муғира ибн Абдуллоҳ ибн Умар ибн Махзум.
