Аъшо Маккага ёки Маккага яқин бир жойга келганида Қурайш-дан баъзи мушриклар унинг олдидан чиқиб нима мақсадда юрганини сўрашди. У эса мусулмон бўлиш учун Расулуллоҳ соллаллоҳу алайҳи васалламнинг олдиларига кетаётганини айтди. Шунда улар: «Эй кўзи очиқ, кўпни кўрган одам, Муҳаммад зинони таъқиқламоқда», – дейишди. Аъшо: «Аллоҳга қасамки, бу менинг эҳтиёжим тушмайдиган бир иш», – деди. Шунда мушриклар: «Эй басиратли киши, у шаробни ҳам таъқиқламоқда», – дейишди. Аъшо: «бунисига келсак, Аллоҳга қасамки, нафсим ундан воз кечишни истамайди. Шундай экан қайтаман, бу йил роса ичиб, кейинроқ келиб мусулмон бўларман»,  деб қайтиб кетди ва шу йил­нинг ўзида ўлди. Расулуллоҳ соллаллоҳу алайҳи васалламни зиёрат қила олмади.