Расулуллоҳ соллаллоҳу алайҳи васалламнинг Қубодан чиқиб, Мадина сари йўл олишлари

Сўнгра Аллоҳ у Зотни жума куни қуболиклар орасидан йўлга чиқарди. Бани Амр ибн Авф Расулуллоҳ соллаллоҳу алайҳи васалламнинг бу жойда бундан кўпроқ муддат қолганликларини илгари сурадилар. Аллоҳ ривоятларнинг қайси бири тўғри эканини билувчироқдир. Расулуллоҳ соллаллоҳу алайҳи васаллам жума намозини Бани Солим ибн Авфда, Батн ал-Водийдаги Водий Роъуно масжидида ўқидилар. Бу Мадинада ўқиган илк жума намозлари эди.