Робиъул-аввал ойининг 27-куни
- Ҳижрий 469-йил 27-робиъул-аввал куни (милодий 1076-йил 30-октябр) Андалуснинг энг буюк тарихчиси ва “Ал-муқтабис мин анба аҳлил-андалус”, “Ал-матин” китоби муаллифи Абу Марвон ибн Ҳайён ибн Халаф ибн Ҳусайн вафот этди.
- Ҳижрий 699-йил 27-робиъул-аввал куни (милодий 1299-йил 22-декабр) Илхония давлати султони Маҳмуд Ғозон билан Мамолик давлати султони Носир Қоловон ўртасида Ҳимснинг шарқий қисми “Маржул-муруж” деган жойда жанг бўлиб ўтди. Бу жангда Ғозон жангчиларининг қўли баланд келди ва сон жиҳатдан кўплиги сабаб, султон Носир жангчиларини ер тишлатди.
- Ҳижрий 1304-йил 27-робиъул-аввал куни (милодий 1886-йил 25-декабр) Мисрда катта ислоҳотлар олиб борган, хусусан аёлларнинг исломий таълим тарбиясига катта ҳисса қўшган ёзувчи адабиётшунос олима Малик Ҳафний Носиф хоним таваллуд топди.
Савол: Бир китобда ўқиб қолдим: «Абу Лаҳабнинг озод қилган жорияси Сувайба Пайғамбаримиз соллаллоҳу алайҳи васалламни тўрт ой эмизган», дейиляпти. Ҳақиқатда шундайми?
Жавоб: Бисмиллаҳир Роҳманир Роҳим.
Алҳамду лиллаҳи ваҳдаҳ, вассолату вассаламу ала ман ла набийя баъдаҳ.
Ассалому алайкум ва роҳматуллоҳи ва барокатуҳ.
Расулуллоҳ соллаллоҳу алайҳи ва салламни биринчи бўлиб туққан оналари Омина бир ҳафта эмизган. Сути етмагач, амакилари Абу Лаҳабнинг озод қилган чўриси Сувайба бир неча кун эмизади, холос.
Манбалар:
Имом Табарий, «Тарихул умами вал мулук», 1/454;
Имом Заҳабий, «Тарихул Ислом», 3/323;
Ибн Асийр, «Усдул ғоба», 1/8;
Ибн Саъд, «Ат-табақотул кубро», 1/67;
Ибн Қаййим Жавзия, «Зодул маъод фи ҳадйи хойрил ибод», 1/82;
Ибн Ҳажар Асқалоний, «Ал-исоба фи маърифатис саҳоба», 3/454;
Ибн Жавзий, «Ал-мунтазам фит тарих», 2/160;
Имом Нававий, «Таҳзибул асмои вал луғот», 1/39;
Шайх Муҳаммад Ҳодий, «Мавсуъатут тарихил исломий», 1
380;
Алий ибн Нойиф Шаҳҳуд, «Мавсуъатуд дифоъ ан Расулиллаҳ», 2/42.
