Ҳозирда АҚШда яшаб келаётган бир гуруҳ саудияликлар ҳамда эркак, аёл ва болалардан иборат мусулмон талабалар «Раҳмат қилиб юборилган Пайғамбар Муҳаммад соллаллоҳу алайҳи васаллам −ахлоқлари намунали мураббий ва ҳаким Зот» шиори остида Америка аҳолисига 40.000 атиргул улашдилар.Ташқи ишлар алоқа бўлими масъули Муҳаммад ал-Ҳожийнинг таъкидлашича, ушбу ташаббусдан кўзланган мақсад , Муҳаммад соллаллоҳу алайҳи васалламнинг сийратларини илмий ва маърифий асосда университет талабалари ва жамоат жойларида атиргул улашиш ила тарқатишдир. Бу атиргулларнинг ҳар бирига Ислом динини илмий-маърифий акс эттирадиган саккизтадан ҳадис илиб қўйилди.
Бундай гўзал ишга ўз ҳиссаларини қўшганлар қирқ мингдан ортиқ атиргулни АҚШдаги элликта турли шаҳарлардаги одамларга улашдилар. Уларнинг бу ишлари барчага ижобий таъсир кўрсатди.
