Ҳажнинг фарз қилиниши

 

Кўпчилик олимларнинг фикрича, ҳижратнинг бешинчи йили Аллоҳ таоло моддий ва жисмоний жиҳатдан қодир одамга ҳаж зиёратига боришни фарз қилди. Ҳаждан мақсад турли жойлардан келган мусулмонлар йиғилиб, Ислом эътиқодидаги одамларга ёрдам беришини тилаб, Аллоҳга юзланиб илтижо қилишдир. Ҳаж мусулмонларнинг ўзаро алоқасини мустаҳкамлабгина қолмай, бир-бирига меҳр-оқибатини оширади, қалбларини поклайди, бу дунёда тўғри йўлга бошлагани учун Ҳақ таолога шукрона айтишни ўргатади.