Ҳа, эй болажонларим, сизларни яхши кўрганликлари учун уларнинг васиятлари сизларга шундай эди. Менимча, сизлар Расулуллоҳ соллаллоҳу алайҳи васалламнинг шахсан ўзлари болалар билан қандай муносабатда бўлганликлари, улар билан қай тарзда саломлашганликлари, уларга қандай муомала қилганликларини билишни ҳоҳлаб турибсиз.
Келаси саҳифаларда Пайғамбарнинг ким экани, қанчалик сени яхши кўришини ва унинг олдида қанчалик қадрли эканлигингни билишинг учун мен сенга Расулуллоҳ соллаллоҳу алайҳи васалламнинг покизаю тамагир билан, хатокору тўғри билан, зийрагу нотовон етим билан, ҳатто чақалоқлар ҳамда кўчаларда шаталоқ отиб юрган болалар билан қандай муносабатда бўлганликларини сўзлаб бераман.
Сен учун баъзи қиссалар борки, улар сенга Расулуллоҳ соллаллоҳу алайҳи ва салламнинг ҳаётларини сўзлаб беради ва баъзи бошқа воқеалар ҳам борки, унда сен Расулуллоҳни меҳрибон, мулойим, яхшиликни ўргатувчи, гўдаклар билан ўйновчи ва ғайратга ундовчи Буюк зот эканликлариниини кўрасан. Бу воқеаларнинг барчаси сенга худди кўз ўнгингда содир бўлаётгандек ва гўёки сен ўзингни Расулуллоҳ соллаллоҳу алайҳи васаллам билан муносабатда бўлаётгандек ҳис қиласан.
Энди мен билан бирга Расулуллоҳ соллаллоҳу алайҳи васалламнинг даврларига қайтиб уларнинг ҳаётларини кўз ўнгингга келтиргин ва бу қиссада мен билан яшаб кўргин.
