Робиъул-аввал ойининг 2-куни
Ҳижрий 897-йил 2-робиъул-аввал куни (милодий 1492-йил 2-январ) мусулмонларнинг охирги қалъаси бўлган Гранада (Ғарната) насронийлар қўлида яксон қилинди.Ҳижрий 1367-йил 2- робиъул-аввал куни (милодий 1948-йил 18-январ) Муҳаммад Маъмун Шановий Азҳар университети шайхи деб сайланди. У киши Азҳар университети шайхлари силсиласининг 32-вакили ҳисобланади.
Абу Кариб Туббон(1) Асъаднинг Яманга подшоҳ бўлиши ва Ясрибга уруш эьлон қилиши
Ибн Исҳоқ: Рабиъа ибн Наср ҳалок бўлганидан сўнг Яманнинг подшоҳлиги тўлалигича Ҳассон ибн Туббон Асъад Абу Карибга ўтди. Туббон Асъад иккинчи Туббаъ бўлиб, у Кулий Кариб ибн Зайд ўғли ва Зайд эса биринчи Туббаъдир. У Амр Зул-Азъор ўғли, у Абраҳа Зул-манор ўғли, у эса Райш ўғлидир.
Ибн Ҳишом: Райшни «Роиш» ҳам дейилади.
Ибн Исҳоқ: «Райш» Адийнинг, у Сайфийнинг, у кичик Сабаънинг, у Каъб Каҳф аз-зулмнинг, у Зайднинг, у Саҳлнинг, у Амрнинг, у Қайснинг, у Муовиянинг, у Жушамнинг, у Абдушамснинг, у Воилнинг, у Ғавснинг, у Қатаннинг, у Арийбнинг, у Зуҳайрнинг, у Айманнинг, у Ҳамясаънинг, у Аранжажнинг ўғлидир. Аранжаж эса катта Сабаънинг ўғли Ҳимйардир. Катта Сабаъ эса Яърубнинг, у Яшжубнинг, у эса Қахтоннинг ўғлидир.
(1)- Туббон – Туббаънинг маънодошидир.
