Робиъул-аввал ойининг 18-куни
- Ҳижрий 227-йил 18-робиъул-аввал куни (милодий 842-йил 5-январ) Аббосийлар давлатининг 8-халифаси Муътасим-Биллаҳ ибн Ҳорун Ар-Рошид вафот этди. Унинг ўрнини ўғли Восиқ-Биллаҳ эгаллади.
- Ҳижрий 665-йил 18-робиъул-аввал куни (милодий 1267-йил 17-декабр) Салоҳиддин давридан бир аср ўтиб, Миср султони Зоҳир Бепрос даврида “Азҳар” жоме масжидида яна жума намози ўқилди.
- Ҳижрий 1342-йил 18-робиъул-аввал куни (милодий 1923-йил 30-октябр) Усмонлилар империяси Республика деб эълон қилинди ва Мустафо Камол Отатурк Туркия Республикаси президенти этиб сайланди. Бу – Иломий давлатнинг буткул йўқ бўлишидан дарак эди.
Ибн Исҳоқ: менга Абдуллоҳ ибн Абу Бакр ибн Муҳаммад ибн Амр ибн Ҳазм сўзлаб берди, унга айтилишича, нажронлик бир киши Умар ибн ал-Хаттоб розияллоҳу анҳу даврида бир зарурати туфайли Нажрондаги харобалардан бирини кавлабди. Шунда у ердаги кўмилиб кетган бир чуқурда Абдуллоҳ ибн ас-Сомирнинг қўли билан бошидаги ёриқни ушлаган ҳолда ўтирганини кўрибди. Агар бошидан қўли олинса қон оқа бошлар, қайтариб жойига қўйилса қон тўхтар экан. Унинг қўлида бир узук бўлиб, унга «Раббий – Аллоҳ», яъни «Раббим Аллоҳдир» деб ёзилган экан. Бу ҳолни бир мактубга ёзиб, Умар ибн ал-Хаттобга юборишди. Умар розияллоҳу анҳу: «Уни ўз ҳолига қўйинглар ва олган ерларингизга қайта дафн қилинглар», деди. Улар ҳам шундай қилдилар.
