Робиъул-аввал ойининг 18-куни
- Ҳижрий 227-йил 18-робиъул-аввал куни (милодий 842-йил 5-январ) Аббосийлар давлатининг 8-халифаси Муътасим-Биллаҳ ибн Ҳорун Ар-Рошид вафот этди. Унинг ўрнини ўғли Восиқ-Биллаҳ эгаллади.
- Ҳижрий 665-йил 18-робиъул-аввал куни (милодий 1267-йил 17-декабр) Салоҳиддин давридан бир аср ўтиб, Миср султони Зоҳир Бепрос даврида “Азҳар” жоме масжидида яна жума намози ўқилди.
- Ҳижрий 1342-йил 18-робиъул-аввал куни (милодий 1923-йил 30-октябр) Усмонлилар империяси Республика деб эълон қилинди ва Мустафо Камол Отатурк Туркия Республикаси президенти этиб сайланди. Бу – Иломий давлатнинг буткул йўқ бўлишидан дарак эди.
Шундан сўнг Давс Нажоший(1) олдига Қайсарнинг мактубини олиб келди. Нажоший унга етмиш минг ҳабашни қўшиб юборди ва Арёт исмли шахсни бошлиқ қилиб тайинлади. Арётнинг аскарлари орасида Абраҳа ал-Ашрам ҳам бор эди. Арёт денгиз орқали Яман соҳилига етиб келди. Давс Зу Саълабон ҳам у билан бирга эди. Зу Нувос эса Ҳимяр ва қўл остидаги бошқа Яман қабилаларини тўплаб унга қарши юриш қилди. Улар ўзаро тўқнаш келишган пайтда Зу Нувос қўшини мағлуб бўлди. Мағлуб бўлганини билган Зу Нувос отини қамчилаб, денгиз томон чоптирди ва от билан денгиз қаърига шўнғиди. Унинг умри шу тарзда якун топди. Арёт эса Яманга кириб, у ерга подшоҳ бўлди.
(1) - Нажоший – ҳабаш подшоҳларининг унвони.
