Робиъул-аввал ойининг 2-куни
Ҳижрий 897-йил 2-робиъул-аввал куни (милодий 1492-йил 2-январ) мусулмонларнинг охирги қалъаси бўлган Гранада (Ғарната) насронийлар қўлида яксон қилинди.Ҳижрий 1367-йил 2- робиъул-аввал куни (милодий 1948-йил 18-январ) Муҳаммад Маъмун Шановий Азҳар университети шайхи деб сайланди. У киши Азҳар университети шайхлари силсиласининг 32-вакили ҳисобланади.
Ибн Исҳоқ: Киноний деган киши Қуллайсга келиб, унинг ичида таҳорат ушатди. Кейин ундан чиқиб юртига қайтиб кетди. Абраҳа бу ҳолни эшитиб: «Бу ишни ким қилди?» деб сўради. «Буни Маккадаги араблар ҳаж қиладиган Каъба аҳлидан бўлмиш араблардан бир киши қилди. У сенинг «араблар ҳажини ушбу Қуллайсга бураман», деган гапингдан ғазабланиб, шу хунук ишни қилиб кетди. У бу билан «бу Қуллайс – ҳаж ибодати учун лойиқ эмас» демоқчи бўлган», дейишди. Бундан Абраҳа ғазабга миниб: «Каъбага юриш қилиб, уни бузиб ташлайман», деб қасам ичди. Сўнг ҳабашларга сафар тадоригини кўришни буюрди. Кейин филлар билан йўлга чиқди. Араблар бу хабарни эшитиб, даҳшат ва қўрқинчга тушдилар ва унга қарши уруш қилишни ўзларига лозим деб билдилар. Чунки у «Аллоҳнинг уйи» бўлган Каъбани бузиш учун келаётган эди.
