Охирги дуоибад

3 йил аввал 3454 Шайх Муҳаммад Содиқ Муҳаммад Юсуф

 

Кофирлар эса шунча йиллар ўтса ҳам иймонга келмадилар. Уларнинг иймонга келишларига ҳеч қандай умид қолмади.

Нуҳ алайҳиссалом қавмининг ўтакетган саркашлигини ҳамда залолатга маҳкам ёпишиб олганини, уларга ваъз-насиҳат таъсир қилмаслигини англаб етгач, Аллоҳ таолога нидо айлаб:

«У деди: «Роббим! шубҳасиз, қавмим мени ёлғончига чиқарди. Бас, мен билан уларнинг орамизни мутлақо очгин ҳамда менга ва мен билан бирга бўлган мўминларга нажот бергин!» («Шуаро» сураси, 117–118-оят).

Нуҳ алайҳиссалом аввало ҳолатни баён қилдилар:

«Роббим! шубҳасиз, қавмим мени ёлғончига чиқарди».

«Эй Роббим, мен Сенинг амрларингни етказганимда қавмим мени ёлғончи қилди. У нобакор қавмнинг ҳидоятга юришидан умид узилди».

Кейин эса Нуҳ алайҳиссалом Аллоҳ таолодан ўша нобакор қавм билан ўз ораларини очиқ қилиб қўйишини сўрадилар:

«Бас, мен билан уларнинг орамизни мутлақо очгин».

«Улар билан орамизда ҳеч қандай алоқа қолмайдиган қилгин».

Ва ниҳоят, Нуҳ алайҳиссалом ўзларига ва у зотга эргашган мўминларга нажот сўраб:

«ва мен билан бирга бўлган мўминларга нажот бергин», деб дуо қилдилар.

«Ҳадис ва Ҳаёт. 20-жуз. Анбиёлар қиссаси» китобидан




Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ