Робиъул-аввал ойининг 27-куни
- Ҳижрий 469-йил 27-робиъул-аввал куни (милодий 1076-йил 30-октябр) Андалуснинг энг буюк тарихчиси ва “Ал-муқтабис мин анба аҳлил-андалус”, “Ал-матин” китоби муаллифи Абу Марвон ибн Ҳайён ибн Халаф ибн Ҳусайн вафот этди.
- Ҳижрий 699-йил 27-робиъул-аввал куни (милодий 1299-йил 22-декабр) Илхония давлати султони Маҳмуд Ғозон билан Мамолик давлати султони Носир Қоловон ўртасида Ҳимснинг шарқий қисми “Маржул-муруж” деган жойда жанг бўлиб ўтди. Бу жангда Ғозон жангчиларининг қўли баланд келди ва сон жиҳатдан кўплиги сабаб, султон Носир жангчиларини ер тишлатди.
- Ҳижрий 1304-йил 27-робиъул-аввал куни (милодий 1886-йил 25-декабр) Мисрда катта ислоҳотлар олиб борган, хусусан аёлларнинг исломий таълим тарбиясига катта ҳисса қўшган ёзувчи адабиётшунос олима Малик Ҳафний Носиф хоним таваллуд топди.

Соғиндим сизни илк кўрган кунимни,
Айбламанг, ёлғон деб ўйлаб сўзимни,
Ҳа ҳа, сизни кўрдим аниқ эсимда,
Кўрганман сизни мен илк бор тушимда!
Ўшанда мен ҳали ёш қизча эдим,
Мактабда ўқиб юрган ўқувчи эдим,
Лекин Роббимнинг менга раҳми келганди,
Чунки мени ҳидоятга бошлаган эди.
Қалбимда ўзгача бир ҳислар туйгандим,
Ўз нафсимни енгиб рўмол тутгандим,
Роббимнинг айтганин билиш учун мен,
Қуръонни ўқишни ўрганган эдим,
Бир куни мен илк бора мусҳафни очдим,
Ва Аллоҳ каломин тиловат қилдим,
Ҳаяжону севинчга тўлган куним,
Росулуллоҳни тушда кўрган куним!
Кўрдим мен гўзал бир нурли инсонни,
Қулоқларга тушиб турган қора сочларни,
Меҳр билан боқиб турган қошу кўзларни,
Виқорли ҳам ҳокисор ўтирган зотни.
Қошлари тим қораю қалинмас эди,
Яноқлари сал қизғишу буғдойранг эди,
Соқоллари текисроқ ҳам қоп-қора эди,
Лаблар эса табассумла гапирар эди.
Айтдилар ул зот менга меҳр билан,
Ҳаёю тақво ва ҳикмат билан,
Мана энди араб ҳарфин билиб олдингиз,
Қуръони каримни ўқий олдингиз,
Сиз буни бир катта бахт деб билинг,
Аллоҳнинг бу неъматин қадрига етинг,
Оятларни тушуниб етиб, тафаккур қилинг,
Ҳаётингизда уларга амал қилинг!
Мана шу бизнинг илк учрашув эди,
Менинг энг бахтли дамларим эди,
Чунки тушимда топгандим сизни,
Соғиндим Сизни илк топган кунимни!
Соғиндим, соғинаман ҳар кун тушимда,
Насиб қилармикин сизни кўриш ўнгимда?!
Аламли ҳақиқат бор битта кўнглимда,
У ҳам бўлса гуноҳкорман, гуноҳкор жуда!
Лолахон Латийфа