Америка Қўшма Штатлари Виржиния “Девис” ва “Элкинс” коллежи фалсафа ва диншунослик фанлари доктори Вилям Фиппс ўз сўзига қуйидагича қўшимча қилади: «Насронийларнинг бирортаси ҳам Муҳммадни (алайҳиссалом) яхши гап билан хотирлаган эмас, деб ўйламаслик керак. VIII асрда яшаб ўтган Оссурия черкови епископи Тимоти Настуро у зот ҳақида шундай ёзади: «Муҳаммад (соллаллоҳу алайҳи васаллам) ҳар қанча иззат икромга лойиқ инсондир. Чунки у инсониятга тавҳидни ўргатди, уларни солиҳ амалларга йўналтирди ва ширку бутпарастликка қарши курашди.

Муҳаммад (алайҳиссалом) ўзига эргашганларни Аллоҳ таоло томонга бошлагани, ширкка қарши қилич билан курашишда кўрсатган ғайрати билан Иброҳимга (алайҳиссалом) ўхшайди. Натижада ўз қавмини юксалтириб, уларни бутларга сиғиниш хорлигидан олийликка кўтара олди».

«Ғарбда Муҳаммадга (алайҳиссалом) муносиб ҳурмат эҳтиромни топиш жуда қийин».