Физика ва астрономия фанлари доктори Майкл Харт ўзининг «Инсоният тарихидаги юз буюк шахс» китобида шундай ёзади:
«Менинг турли соҳаларда оламшумул из қолдирган шахсларни ўз ичига олган ушбу рўйхатнинг бошига Муҳаммад алайҳиссаломни танлашим кўпчиликни ҳайратга солиши, яна кимларгадир жумбоқли туюлиши мумкин. Бироқ тарихда дин ва дунё ишларида юксак муваффақиятга эришган ягона инсон Муҳаммад алайҳиссалом экан».
Пайғамбаримиз алайҳиссаломнинг фаолияти давомида фойдаланган, бошқаларга кўрсата олган таъсир доиралари ҳақида гапирар экан, Харт шундай дейди:
«Шубҳасиз, Муҳаммад алайҳиссалом жаҳоннинг энг буюк динлардан бирига асос солган ва уни ёйган буюк сиёсат арбобларидан биридир. Вафотидан ўн уч аср ўтиб кетган бўлса-да, унинг таъсири бугунги кунда ҳам ниҳоятда кучли ва шиддатлилигича қолмоқда».
