Жумадул-аввал ойининг 4 куни

Ҳижрий 657 йил, милодий 1259 йил Ҳулогу хон даврида, олим Носириддин Тусий саъй-ҳаракати билан Мароға расадхонаси қурилиши бошланади.

Ҳижрий 945 йил, милодий 1538 йил  Хайриддин Барбарос бошчилигидаги Усмонли флоти Провеза жангида Венеция, Папалик давлатлари, Испания Габсбурглар, Неапол ва Сицилия флотларидан ташкил топган «Муқаддас лига» устидан ғалаба қозонади. Усмонли флотида тахминан 300 кема, салбчилар флотида 600 кемага қарши, 5 соат давом этган жангда усмонлиларнинг қўли баланд келди. 

Ҳижрий 555 йил, милодий 1160 йил машҳур мусулмон тарихчилардан бири Ибнул Асир таваллуд топди. 

Вафот этганлар

Ҳижрий 927 йил, милодий 1520-1521 йил мусулмон олими ва шомлик адиб Абдул Қодир Нуъаймий вафот этди.

Ҳижрий 1344 йил, милодий 1925-1926 йил саудиялик уламо, фақиҳ ва шоир Абдуллоҳ ибн Али Ол Абдулқодир вафот этди.

Ҳижрий 1350 йил, милодий 1931 йил ливиялик озодлик кураши қаҳрамони

Умар Мухтор вафот этди. 

Ҳижрий 1355 йил, милодий 1936-1937 йил ироқлик ёзувчи, журналист ва тарихчи Аҳмад Иззат Аъзамий вафот этди. 

Ҳижрий 1430 йил, милодий 2009 йил мавританиялик олим, фақиҳ, тилшунос ва шоир Муҳаммад Солим Валад Аддуд вафот этди.