Ҳижрий 12 йил, милодий 633 йил мусулмонлар Холид ибн Валид розияллоҳу анҳу қўмондонлигида Анбор шаҳрини фатҳ қилдилар.
Ҳижрий 199 йил, милодий 815 йил Ибн Табатабо Куфа волийси (аббосийлар
халифаси Маъмун номидан тайинланган) устидан ғалаба қозонди.
Ҳижрий 948 йил, милодий
1541 йил Жазоирга ҳужум қилган испан ва Европа насронийлари аскарларига
қарши жангга киришган Усмонлилар қўшини душман устидан ғалаба қозонди. Бу
жангда салбчилардан 20 минг аскар қатл қилинди. Усмонлилар душманнинг 130га
яқин ҳарбий кемаларини асир олдилар. Бу Усмонлилар тарихида қўлга киртилган энг
катта ғалабалардан бири эди.
Ҳижрий 1106 йил, милодий 1695 йил Усмонли флоти Коюн (қой) ороллари
яқинида Венеция флоти билан денгиз жангига киришди. Жангда венецияликларнинг 9
та кемаси чўкди, усмонлилардан эса бирорта кема чўкмади.
Ҳижрий 1437 йил, милодий 2016 йил Саудия Арабистони Вазирлар Маҳкамаси
«Амр бил-Маъруф ва наҳй анил-мункар» ҳайъати фаолиятини қайта тартибга солди. Уларни
бевосита ижро ваколатлари чеклаб қўйилди, ички хавфсизлик идоралари билан
ҳамкорлик ва мувофиқлаштириш талаби киритилди.
Ҳижрий 692 йил милодий 1293 йил мусулмон тарихчиларидан
бири Муҳйиддин Абдуллоҳ ибн Рошидуддин ибн Аюдуз Зоҳир вафот этди.
