Кўзларим, ёшингиз билан менга ёрдамчи бўлинг, сира-сира зиқналик (бахил)лик қилмангки, ҳамма уйқуга толганда (тўйиб-тўйиб йиғлайин). Кўз ёшингизга дод-фарёдларни қўшган ҳолда уввос солиб ёш тўкиб йиғланг. Яхшилик қилиб ҳаргиз толиқиб чарчамайдиган киши учун кўзингизни тўлдириб ҳўнг-ҳўнг йиғланг. Қийинчилик онларида эҳсондорлик билан обрў топган, қилмишлари саховат ва аҳдига вафодор бўлган киши учун (йиғланг). Яъни ҳовлисида (мусофирлар учун доим ўчоқ) ёқилган, садоқат ва сабот соҳиби «Шайбату-л-ҳамд» (бўлган зот) учун (йиғланг). Жанг маъракасида кескир қиличдек қоим турувчи ва тўқнашувларда душманларни қулатувчи (ёки ҳалок қилувчи) зот учун (йиғланг). Мулойимтабиат, қўли очиқ, вафоли ва ҳайбатли, (муҳтожларга) сидқидилдан таом берувчи зотга (йиғланг). Унинг ҳайбатли, юксак мақомли уйи баланд ва шараф-файзли қилиб бино қилингандир.
