Робиъул-аввал ойининг 21-куни
- Ҳижрий 580-йил 21-робиъул-аввал куни (милодий 1184-йил 2-июл) халифа Абу Яъқуб Юсуф қўмондонлигида «Муваҳҳид» жангчилари Андалуснинг «Шафтрайн» шаҳрини насронийлар ҳукмронлигидан озод қилдилар.
- Ҳижрий 923-йил 21-робиъул-аввал куни (милодий 1517-йил 13-апрел) Мамолик давлатининг охирги султонларидан бири султон Тумонбой қатл қилинди. Тумонбойнинг қатл қилиниши билан Мамолик давлати қулаб, Миср Усмонлилар ҳукмронлигига ўтди.
- Ҳижрий 1033-йил 21-робиъул-аввал куни (милодий 1624-йил 12-январ) Эрон Сафавийлари Бағдодни 3 ой қамал қилиб, Усмонлилар ҳукмронлигидан маҳрум қилди. Шундан сўнг Сафавийлар Бағдодни 15 йил мобайнида бошқарди.
- Ҳижрий 1255-йил 21-робиъул-аввал куни (милодий 1839-йил 3-июн) Хитой «Афюнга қарши уруш» шиори остида минглаб тонна афюнни ёқиш орқали байрам эълон қилди.
Ибн Исҳоқ: яҳудий олимлари, насроний роҳиблари ҳамда араб коҳинлари Расулуллоҳ соллаллоҳу алайҳи васалламнинг Пайғамбар бўлиш вақтлари яқинлашганда, бу иш ҳақида гапира бошладилар. Яҳудий ва насронийлар ўзларида мавжуд китоблар ҳамда олдин ўтган пайғамбарларнинг қилган васиятлари орқали у Зот ва замонларининг сифатларини билган эдилар. Араб коҳинлари эса бу нарсани жинлари орқали билишарди. Чунки у вақтда жин ва шайтонлар юлдузлар отиб осмондан қувилмас эди. Ўша вақтдаги коҳин ва коҳиналар баъзи нарсаларни айтар, аммо одамлар бу хабарларга эътибор беришмасди. Аллоҳ Расулуллоҳ соллаллоҳу алайҳи васалламни Пайғамбар қилиб, улар айтган ишлар амалга ошгандан кейингина англаб етдилар.
