Руҳоний вафот этиб, дафн этилгач, васияти бўйича Мавсилга бордим. У ердаги роҳибга: «Фалон руҳоний вафоти олдидан сизга шогирд бўлишимни васият қилиб кетди, сизнинг ҳам у каби ҳақ динда эканингизни айтди», – дедим. У мени қабул қилди ва ҳузурида қолишимга розилигини айтди. Мен унинг олдида қолдим. Унинг ҳам биродари каби солиҳ киши эканлигини кўрдим,бироқ кексайиб қолган эди. Унинг ҳам ажали етиб қолди. Ўлим тўшагида ётганида унга: «Тақсир, фалончи ўлими олдидан менга сизнинг олдингизга келишни васият қилиб кетганди. Сизга ҳам Аллоҳнинг ҳукми яқин келиб турибди. Энди кимнинг олдига боришимни маслаҳат берасиз, менга нимани буюрасиз?» – дедим. У: «Ўғлим, қасамки, бу борада мен билган киши Насибиндаги фалончи бўлиб, у бизга ўхшаб ҳақ диндадир», – деди.
