Ибн Ҳишом: Ҳадрамийнинг исми Абдуллоҳ ибн Имод (ибн Акбар)дир. Садиф қабиласидан бўлиб, Садифнинг исми Амр ибн Молик эди. Молик эса Сукун ибн Ашрас ибн Киндий авлодларидан
биридир. Яна айтишларича, Кинда – ибн Савр ибн Мураттиъ ибн Уфайр ибн Адий ибн Ҳорис ибн Мурра ибн Удад ибн Зайд ибн
Миҳсаъ ибн Амр ибн Ариб ибн Зайд ибн Каҳлон ибн Сабадир. Айтишларича, Мураттиъ – ибн Молик ибн Зайд ибн Каҳлон ибн Сабадир.
Ибн Исҳоқ: Зайд ибн Амр Иброҳим Пайғамбар алайҳиссаломдан қолган ҳанифлик динини қидириб ер юзини кезиш учун Маккадан чиқиб кетишга қарор қилган эди. Хотини София бинт ал-Ҳадрамий ҳар гал унинг йўлга тайёрланаётганини кўраганда, Зайднинг амакиси ва онаси томондан акаси бўлган Хаттоб ибн Нуфайлни чақириб келарди. Хаттоб Зайднинг қавми динидан юз ўгиргани учун койир эди. Софияни ундан кўз-қулоқ бўлиб туришга буюриб: «Қачон унинг бирор иш қилмоқчи бўлганини кўрсанг, дарҳол менга хабар бер», – деган эди.
