Расулуллоҳ соллаллоҳу алайҳи васалламнинг кўрганларини Хадижага гапириб беришлари

Мен уйимга қайтиб, аёлим Хадижанинг олдига кирдим-да, худди қаттиқ қўрққан одамдай унинг оёғига бошимни қўйдим. У менга: «Эй Абул-Қосим, қаерда эдингиз? Мен сизни қидиргани бир неча кишини юбордим, аммо улар сизни тополмай қайтиб келдилар», – деди. Мен унга кўрганларимни айтиб бердим. Шунда у: «Сиз шодланинг ва бар­дам бўлинг. Хадижанинг жони қўлида бўлган Зотга қасамки, Сизнинг бу умматга Пайғамбар бўлишингизни кўнглим сезган эди», – деди.