Қурайшнинг мўминларга қарши фитна қилгани ва иймон келтирганларни қандай қийнагани ҳақида

Ибн Исҳоқ: қурайшликлар Расулуллоҳ соллаллоҳу алайҳи васалламга иймон келтирган­ларга қарши бир-бирларини оёқлантирдилар. Ҳар бир қабила ўз ора­сидаги мусулмонларни азоблашга ва уларни динларидан қайтаришга турди. Аллоҳ ўз Пайғамбарини улардан амакилари Абу Толиб билан ҳимоя қилди. Абу Толиб Қурайшнинг Бани Ҳошим ва Бани Мутта­либга бераётган азиятларини кўргач, бу икки уруғни Расулуллоҳ соллаллоҳу алайҳи васалламни ўзидек ҳимоя қилишга ва ёнларида туришга чақирди. Улар Абу  Толибнинг атрофига жипслашдилар, у билан туриб, чақириғига жавоб бердилар. Фақатгина малъун Абу Лаҳабгина бундай қилмади.