Робиъул-аввал ойининг 2-куни
Ҳижрий 897-йил 2-робиъул-аввал куни (милодий 1492-йил 2-январ) мусулмонларнинг охирги қалъаси бўлган Гранада (Ғарната) насронийлар қўлида яксон қилинди.Ҳижрий 1367-йил 2- робиъул-аввал куни (милодий 1948-йил 18-январ) Муҳаммад Маъмун Шановий Азҳар университети шайхи деб сайланди. У киши Азҳар университети шайхлари силсиласининг 32-вакили ҳисобланади.
Расулуллоҳ соллаллоҳу алайҳи васаллам ҳақларидаги гап-сўзлар бутун араблар орасида тарқалиб, ўлканинг ҳар ерларига етиб бориб, Мадинада ҳам у Зотнинг номлари зикр этила бошлади. Арабларнинг бирор қабиласи номлари тилга олинган пайтда ҳам, ундан олдин ҳам Расулуллоҳ соллаллоҳу алайҳи васалламни Авс ва Хазраж қабилаларидан кўра яхшироқ билмас эди. Чунки улар яҳудийлар билан бир жойда яшар, улар билан иттифоқдош бўлиб, яҳудий олимларидан Расулуллоҳ соллаллоҳу алайҳи васаллам ҳақларида олдиндан эшитиб юрар эдилар. У Зотнинг номлари Мадинада ҳам зикр этилиб, қурайшликлар орасидаги ихтилофлар ҳақида гап-сўзлар кўпайганда Бани Воқифдан бўлган Абу Қайс ибн ал-Аслат бир шеър айтди.
Ибн Ҳишом: ибн Исҳоқ ибн ал-Аслатни бу ерда Бани Воқифга нисбат берган. Фил воқеасида эса уни Хатма қабиласига нисбат берган эди. Чунки араблар бирор кишини, бобосининг ака-укаси бобосидан кўра машҳурроқ бўлса, ўшанга нисбат берадилар.
Ибн Ҳишом: менга Абу Убайда сўзлаб берди: «Ҳакам ибн Амр ал-Ғифорий Ғифорнинг акаси Нуайла авлодларидандир. Ғифор ва Нуайла эса Мулайл ибн Дамра ибн Бакр ибн Абдуманотнинг ўғилларидир. Яна шундай деганлар: Утба ибн Ғазвон ас-Суламий – Сулайм ибн Мансурнинг акаси Мозин ибн Мансурнинг авлодларидандир».
Ибн Ҳишом: абу Қайс ибн ал-Аслат эса БанИ Воилдан бўлиб, Воил, Воқиф ва Хатмалар Авс қабиласидан бўлган ака-укалардир.
