Бани Ҳошим ва Бани Умайя уруғидан бўлган муҳожирлар
Бани Ҳошим ибн Абдуманоф ибн Қусай ибн Килоб ибн Мурра ибн Каъб ибн Луай ибн Ғолиб ибн Фиҳр уруғидан бир киши: Жаъфар ибн Абу Толиб ибн Абдулмутталиб ибн Ҳошим ва унинг аёли Асмо бинт Умайс ибн ан-Нўъмон ибн Каъб ибн Молик ибн Қуҳофа ибн Хасъам. Асмо Ҳабашистонда Абдуллоҳ ибн Жаъфарни дунёга келтирган эди.
Бани Умайя ибн Абдушамс ибн Абдуманоф уруғидан: Усмон ибн Аффон ибн Абул-ос ибн Умайя ибн Абдушамс ва унинг аёли Руқайя (Расулуллоҳ соллаллоҳу алайҳи васалламнинг қизлари), Амр ибн Саид ибн ал-Ос ибн Умайя ва унинг аёли Фотима бинт Сафвон ибн Умайя ибн Муҳаррис ибн Хумл ибн Шиққ ибн Рақаба ибн Мухдиж ал-Киноний, унинг акаси Холид ибн Саид ибн ал-Ос ибн Умайя ва унинг аёли Амина бинт Халаф ибн Асъад ибн Омир ибн Баёда ибн Субайъ ибн Жуъсума ибн Саъд ибн Мулайҳ ибн амр. Амина Хузоъа уруғидан эди.
Ибн Ҳишом: баъзиларга кўра, унинг исми Ҳамина бинт Халаф эди.
Ибн Исҳоқ: у Ҳабашистонда Саид ибн Холидни дунёга келтирганди. Улар ичида Ама бинт Холид ҳам бор эди. Ама ўшандан кейин аз-Зубайр ибн ал-Аввомга турмушга чиқиб, Амр ибн аз-Зубайр ҳамда Холид ибн аз-Зубайрларни дунёга келтирган.
