Қурайшнинг муҳожирларни қайтариш учун Ҳабашистонга вакил юбориши

Ибн Исҳоқ: қурайшликлар Расулуллоҳ соллаллоҳу алайҳи васаллам саҳобаларининг Ҳабашистон ерида тинч-хотиржам юрганларини, у ерда бехавотир яшаш учун бошпана топганларини кўришгач, уларни динларидан қайтариш, тинчлик-омонликда яшаётган бу ерларидан чиқаришни Нажошийдан қатъийлик ила талаб қилиш учун икки кишини юборишга келишиб, Абдуллоҳ ибн Абу Рабиъа ва Амр ибн Ос ибн Воилни Нажоший ва унинг катта руҳонийларига аталган ҳадялар би­лан юборишди.