Ҳасаннинг ривояти

Ибн Исҳоқ: Ҳасандан менга шундай ривоят қилинди: Расулуллоҳ соллаллоҳу алайҳи васаллам: «Ётоғимда ётганимда Жаброил алайҳиссалом олдимга келиб, мени оёғи билан туртди. Шунда ўтириб олдим, лекин ҳеч нарсани кўрмадим. Кейин яна жойимга қайтдим. Иккинчи марта келиб оёғи билан турт­ди. Ўтириб олдим, лекин ҳеч нарсани кўрмадим. Кейин яна жойимга қайтдим. Учинчи марта келиб яна оёғи билан туртди. Ўтириб олдим. У билагимдан тутди ва ўрнимдан турдим. (мени) Масжиднинг эшиги олдига олиб борди. У ерда мен хачир ва эшак оралиғидаги катталик­да бир ҳайвонни кўрдим. Икки сонида икки оёғини итарадиган икки қаноти бор эди. Олд оёғини эса кўзи кўра оладиган узоқликка қўя оларди. Жаброил мени унинг устига миндириб, бирга йўлга чиқди. Йўлда у мендан, мен эса ундан ўтиб кетмадик», дедилар.