Макка мусулмонларининг Мадинага ҳижрат қилишларига рухсат берилиши

Ибн Исҳоқ: Расулуллоҳ соллаллоҳу алайҳи васалламга жанг қилишга рухсат бе­рилгач, ансорийлардан бир гуруҳи Ислом ва унга − соллаллоҳу алайҳи васалламга − эргаш­ганларга ёрдам қилишга байъат бериб, мусулмонлар уларнинг ҳимояси остига киргач, Расулуллоҳ соллаллоҳу алайҳи васаллам қавмидан муҳожир саҳобалар ва Маккадаги мусулмонларга Мадинага ҳижрат қилиш ва у ердаги ансор биродарларига бориб қўшилишга буюриб: «Аллоҳ сизга хотиржамлик топадиган диёр бериб, у юртнинг аҳлини сизга биродар қилди», дедилар. Шунда мусулмонлар жамоат-жамоат бўлиб чиқиб кетдилар, лекин Расулуллоҳ соллаллоҳу алайҳи васаллам  Маккада қолиб,  Мадинага ҳижрат қилиш учун Аллоҳнинг изн беришини кута бошладилар.