Умарнинг Ҳишом ибн ал-Осийга мактуби

1 ўн йил аввал 2074 siyrat.uz

Ибн Исҳоқ: Нофеъ Абдуллоҳ ибн Умардан, у эса Умардан мен­га шуни ривоят қилди: «Биз Аллоҳ динидан чиққан кишининг на садақаси, на адолати ва на тавбасини қабул қилади. Дастлаб Аллоҳни таниб, сўнгра бир мусибат етганда улар куфрга қайтган кишилардир», дердик. Одамлар бу гапларни ўзаро айтишар эди. Расулуллоҳ соллаллоҳу алайҳи васаллам Мадинага келганларида Аллоҳ бундайлар ҳақида ва кишиларнинг бу сўзлари ҳақида ушбу оятни нозил қилди: «(Эй Муҳаммад!) Ўз жонла­рига (гуноҳ билан) зулм қилган бандаларимга айтинг: Аллоҳнинг раҳматидан ноумид бўлмангиз! Албатта, Аллоҳ барча гуноҳларни мағфират қилур. Албатта, Унинг ўзи мағфиратли ва раҳмли Зот­дир. Сизларга азоб келиб, сўнгра ёрдам берилмай қолишидан ил­гари Роббингизга қайтингиз ва Унга бўйсунингиз! Сизларга, ўзларингиз сезмаган ҳолингизда тўсатдан азоб келиб қолишидан илгари, Роббингиз (томони)дан сизларга нозил қилинган гўзал нарса (Қуръон)га эргашингиз!»246.

Умар ибн ал-Хаттоб: «Шунда буни ўз қўлим билан бир қоғозга ёзиб, уни Ҳишом ибн ал-Осийга юбордим. Ҳишом ибн ал-Осий: «Бу мактуб менга етиб келганида уни Зий тувода247 ўқий бошладим. Қайта-қайта ва диққат билан ўқишимга қарамасдан оятларни тушуна олмасдим. Ҳатто Аллоҳим, буни менга англат», дедим. Аллоҳ уни биз учун, бошимизга тушганлар ҳақида ўзимиз айтган ва биз ҳақимизда айтилганлар ҳақида нозил қилганини қалбимга солди. Дарҳол ту­ямнинг олдига бориб, унга миндим ва Расулуллоҳ соллаллоҳу алайҳи васаллам Мадинада эканликларида уларга бориб қўшилдим.

 



Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ