Робиъул-аввал ойининг 2-куни
Ҳижрий 897-йил 2-робиъул-аввал куни (милодий 1492-йил 2-январ) мусулмонларнинг охирги қалъаси бўлган Гранада (Ғарната) насронийлар қўлида яксон қилинди.Ҳижрий 1367-йил 2- робиъул-аввал куни (милодий 1948-йил 18-январ) Муҳаммад Маъмун Шановий Азҳар университети шайхи деб сайланди. У киши Азҳар университети шайхлари силсиласининг 32-вакили ҳисобланади.
Туя Бани Молик ибн ан-Нажжор маҳалласига келганда Расулуллоҳ соллаллоҳу алайҳи васаллам масжидлари эшиги олдида чўкди. У ер ўша пайтда Бани Нажжор, сўнгра Бани Молик ибн ан-Нажжордан икки етимнинг хурмо қуритадиган хирмон ўрни эди. Амрнинг икки ўғли, икки етим Саҳл ва Суҳайллар Муоз ибн Афроъ васийлигида − ҳимояси остида яшар эдилар. Туя чўкиб, Расулуллоҳ соллаллоҳу алайҳи васаллам устидан тушмаганини пайқагач, дарҳол ўрнидан туриб, яна бироз юрди. Расулуллоҳ соллаллоҳу алайҳи васаллам туянинг тизгинини бўйнига ташлаб қўйган эдилар. Бу билан уни бошқармаётган эдилар. Кейин ортига бурилиб, биринчи чўккан жойига келиб чўкди. У ердан жилмади ва ўша ерда қолди. Кўкси ва бўйнини узатиб, ерга қўйди. Шунда Расулуллоҳ соллаллоҳу алайҳи васаллам ундан тушдилар. Абу Айюб Холид ибн Зайд юкларини уйига олиб кирди ва Расулуллоҳ соллаллоҳу алайҳи васаллам ҳам уникига тушдилар. Расулуллоҳ соллаллоҳу алайҳи васаллам хурмо қуритиладиган бу хирмон ўрни кимники эканини сўрадилар. Шунда Муоз ибн Афро: «Ё Расулуллоҳ соллаллоҳу алайҳи васаллам, бу жой Амрнинг икки ўғли ва менинг қўл остимдаги икки етим – Саҳл ва Суҳайллар266никидир. Мен уларни рози қиламан, сиз уни масжид қилиб олаверинг», – деди.
