Робиъул-аввал ойининг 2-куни
Ҳижрий 897-йил 2-робиъул-аввал куни (милодий 1492-йил 2-январ) мусулмонларнинг охирги қалъаси бўлган Гранада (Ғарната) насронийлар қўлида яксон қилинди.Ҳижрий 1367-йил 2- робиъул-аввал куни (милодий 1948-йил 18-январ) Муҳаммад Маъмун Шановий Азҳар университети шайхи деб сайланди. У киши Азҳар университети шайхлари силсиласининг 32-вакили ҳисобланади.
Ибн Исҳоқ: шундай қилиб Расулуллоҳ соллаллоҳу алайҳи васаллам у ерга масжид қуришни буюрдилар. Масжид ва уйлари қуриб битирилгунга қадар Абу Айюбнинг уйида қолдилар. Мусулмонларни бу масжидни қуришда ғайратга келтириш учун ўзлари ҳам ишладилар. Шу боисдан муҳожирлар ва ансорлар у ерда ишга қаттиқ киришдилар. Шунда мусулмонлардан бири бу борада шундай деди:
Агар Пайғамбар ишласа-ю, биз ўтирсак, бу биз учун ёмон иш ҳисобланади,
Мусулмонлар масжидни қуришаркан, ражаз вазнида шундай дейишар эди:
Охират ҳаётидан бошқа ҳаёт йўқ,
Аллоҳим, сен ансор ва муҳожирларга марҳамат эт.
Ибн Ҳишом: бу оддийгина наср бўлиб, ражаз эмас.
Ибн Исҳоқ: Расулуллоҳ соллаллоҳу алайҳи васаллам: «Охират ҳаётидан бошқа ҳаёт йўқ, Аллоҳим, муҳожир ва ансорларга марҳамат эт», дердилар.
