Робиъул-аввал ойининг 2-куни
Ҳижрий 897-йил 2-робиъул-аввал куни (милодий 1492-йил 2-январ) мусулмонларнинг охирги қалъаси бўлган Гранада (Ғарната) насронийлар қўлида яксон қилинди.Ҳижрий 1367-йил 2- робиъул-аввал куни (милодий 1948-йил 18-январ) Муҳаммад Маъмун Шановий Азҳар университети шайхи деб сайланди. У киши Азҳар университети шайхлари силсиласининг 32-вакили ҳисобланади.
Расулуллоҳ соллаллоҳу алайҳи васаллам Мадинага ўрнашиб, муҳожир ва ансор биродарлари атрофларида тўплангач, Ислом дини мустаҳкамланди: намоз, закот, рўза фарз қилинди, ҳад (жазо тури) жорий қилинди, ҳалол ва ҳаром белгилаб берилди. Ислом ансорлар ўртасида мустаҳкам жой эгаллади. Айнан шу ансорлар дин ишларида юксак даражаларга эришдилар.
Расулуллоҳ соллаллоҳу алайҳи васаллам Мадинага келган пайтларида мусулмонлар намоз вақтида ҳеч қандай чақириқсиз тўпланишар эди. Шунда Расулуллоҳ соллаллоҳу алайҳи васаллам яҳудийлар ибодатларига чақирадигандек карнай чалдирмоқчи бўлдилар, сўнг бу фикрдан қайтдилар, сўнгра мусулмонларни чақириш учун занг чалиш ҳақида таклиф қилинди.
