Убайда ибн Ҳорис бошчилигида қўшин юбориш (Пайғамбар алайҳиссалом тиккан илк байроқ)

Ибн Исҳоқ: бу орада Расулуллоҳ соллаллоҳу алайҳи васаллам Убайда ибн Ҳорис ибн Мутталиб ибн Абдуманоф ибн Қусайни олтмиш ёки саксон кишилик муҳожирлардан иборат отлиқ қўшинга бош қилиб юбордилар. Бу­лар орасида бирорта ҳам ансор йўқ эди. Улар Ҳижоздаги Мурра тоғи қуйисидаги қудуққа етишгач, у ерда қурайшликлардан катта гуруҳга дуч келдилар. Улар ўртасида ҳеч қандай уруш бўлмади. Шу куни фақат Саъд ибн Абу Ваққосгина камондан ўқ отган эди. Исломда от­илган биринчи ўқ мана шу бўлди.