Робиъул-аввал ойининг 2-куни
Ҳижрий 897-йил 2-робиъул-аввал куни (милодий 1492-йил 2-январ) мусулмонларнинг охирги қалъаси бўлган Гранада (Ғарната) насронийлар қўлида яксон қилинди.Ҳижрий 1367-йил 2- робиъул-аввал куни (милодий 1948-йил 18-январ) Муҳаммад Маъмун Шановий Азҳар университети шайхи деб сайланди. У киши Азҳар университети шайхлари силсиласининг 32-вакили ҳисобланади.
Ибн Исҳоқ: Расулуллоҳ соллаллоҳу алайҳи васаллам сафларни тузатиб бўлиб, чодирларига кирдилар. Абу Бакр розияллоҳу анҳу ҳам бирга бўлиб, улардан бошқа ҳеч ким йўқ эди. Расулуллоҳ соллаллоҳу алайҳи васаллам парвардигорга ваъда қилган ёрдамини сўраб: «Эй Аллоҳим! Агарда бугун мана бу гуруҳ ҳалок бўлса, сенга ибодат қиладиган қолмайди», деб илтижо қилдилар. Абу Бакр: «Эй Аллоҳнинг Пайғамбари! Бу ёлборишингизга Аллоҳ, албатта, сизга ваъда қилган нарсасини тўлиқ қилиб беради», – деди. Сўнг Расулуллоҳ соллаллоҳу алайҳи васалламнинг чодирда бироз кўзлари илиниб, уйғондилар-да: «Хушхабар, эй Абу Бакр! сизга Аллоҳнинг ёрдами келди. Жаброил от тизгинидан тутиб, етаклаган ҳолда келяпти!» – дедилар.
