Ибн Исҳоқ: Менга илм аҳлидан бўлган баъзи кишиларнинг айтиб беришича, мушрикларнинг байроғи Амра бинт алқама ал-Ҳорисия тарафидан кўтарилгунига қадар ерда ётганди. Аёл байроқни олиб берди, унинг атрофида Қурайш тўпланди. Байроқ Абу Талҳа ўғилларининг ҳабаш қули Суобда эди. У байроқни тутиб турганларнинг охиргиси эди. Байроқни ушлаб жанг қилди ва икки қўли кесилди. сўнг чўккалаб жанг қилди, байроқни кўкраги ва бўйни билан тутиб турди ва охири шу ҳолида ўлдирилди. У: «Эй Аллоҳим! Қўлимдан келадиган ҳамма нарсани қилдимми?» – дерди.
Ҳассон ибн Собит бу ҳақда шундай шеър айтган:
Байроқ сабабли фахр қилдингиз, қанчалар ёмон фахр,
Суобга байроғингиз берилган ўшал дам.
Бу хусусда бир қул сабабли фахрландингиз.
Аҳмоқнинг ҳам ўйлари бор, деб ўйладингиз,
Ўша ишни тўғри ишлардан дея.
