Араб ярим ороли

Арабларнинг ахлоқи бузилиб, ичкилик ва қиморга муккасидан тушганди. Қўполлик ва шафқатсизлик шу даражага етгандики, улар ўз қизларини тириклайин кўмиб ташлашарди. Талончилик, босқинчилик, йўл тўсарлик ораларида кенг ёйилганди. Жамият ичида хотин кишининг обрўси бир пул эди. Баъзи молларни мерос ўлароқ, меросхўрга бергани сингари хотинларни ҳам меросга беришарди. Баъзилари эса камбағаллик ва йўқчиликдан қўрқиб, болаларини ўлдиришарди. Уруш-жанжалга берилишганди. Инсонни ўлдириш улар учун оддий нарса эди. Кичик бир сабабдан бир-бирларини ўлдиришар, шу сабабдан ораларидаги урушлар йилларча давом этар ва минглаб инсонларнинг ёстиғини қуритарди...