Робиъул-аввал ойининг 2-куни
Ҳижрий 897-йил 2-робиъул-аввал куни (милодий 1492-йил 2-январ) мусулмонларнинг охирги қалъаси бўлган Гранада (Ғарната) насронийлар қўлида яксон қилинди.Ҳижрий 1367-йил 2- робиъул-аввал куни (милодий 1948-йил 18-январ) Муҳаммад Маъмун Шановий Азҳар университети шайхи деб сайланди. У киши Азҳар университети шайхлари силсиласининг 32-вакили ҳисобланади.
Расулуллоҳ соллаллоҳу алайҳи васаллам у икки етим болани чақириб, уларнинг хирмон ерларини сотиб олиб масжид қуриш истаги борлигини билдирдилар. Етим болалар ерларини сотмай, шундайлигича ҳиба қилишликларини айтдилар. Лекин Расулуллоҳ уларнинг совғаларини қабул қилмадилар. Улардан ерни сотиб олиб, масжидларини ўша ерга қурдилар. Масжид қурилишида шахсан ўзлари иштирок этиб, ғишт, тош ташидилар, ҳамда шундай марҳамат қилдилар: —Эй Аллоҳим! Ҳақиқий тўлов, охиратдаги тўловдир. Ансорларга ва муҳожирларга марҳамат қил! Мусулмонлар мамнун ва масъуд эдилар. Шеър айтишар, Аллоҳга беадад ҳамд ва санолар айтишар эдилар. Масжид ҳамда ўзларига уй қургунларига ҳадар Расулуллоҳ Абу Айюбнинг уйида етти ой ўтирдилар. Сўнгра ўз уйларига кўчиб ўтдилар. Муҳожирлар Маккадан Мадинага келишиб, Расулуллоҳга қўшили- шарди. Маккада фақат фитнага учраганлар билан ҳибсдагилар қолишган эди. Ансорларнинг уйларидан эса Ислом кирмагани қолмади.
